oi'e

2023-03-11T18:00:14Z

Selnunsne: jbobau ciksi

tcita le se cusku goi ko'a ledu'u le cusku goi ko'e gu na'e kufra da poi srana ko'a gi casnu tatpi je na'e ranji djica

.i panra zo oi joi zo o'e

.i ke'unai lu oi'enai li'u tcita le se cusku ledu'u le cusku cu je'a kufra lenu casnu

cabycedra gerna

2023-02-25T07:27:31Z

Selnunsne: pilno lo me'oi termset

ni'o so'e cmima be la roljbogu'e cu se bangu lo jbobau poi se gerna lo cabycedra farvi .i ti noi .uitki papri cu velcki su'o fadni ke gerna pagbu

== jecu ==
ni'o lo'u {{j|jecu}} le'u cmene la za'e {{j|jbojecu}} ku noi jbobau bankle gi'e te valsi fi lo sampu se stura poi basti zo {{j|gi'e}} .e zo {{j|.e}} .e zo {{j|je}} .e zo {{j|zi'e}} .e zo {{j|ge}} li'o

.i la selpa'i cu finti do'e zoi ky. https://solpahi.wordpress.com/2016/09/20/a-simpler-connective-system/ .ky

.i la {{j|jbojecu}} zo'u lo cmavo so'omei be la'e zo {{j|JA}} cu kaicfa lo ka se jinzi lo ka te jorne so'a da so'a de .i ra'u plixau lo nu te jorne lo brirebla lo brirebla .i mu'a co'e lo'u {{j|ti cu broda je cu brode}} le'u noi jai krasi lo bi'unai cmene

== tcekitau ==
ni'o la {{j|tcekitau}} cu jbobaukle gi'e jai te simbasti su'o tordu je jai tolcafne cmavo su'o mlicla je jai tcecafne cmavo .i mu'a lo se jbobau be la tcekitau cu te smuni zo {{j|ki}} lo ca'irselzau smuni be zo {{j|ke'a}} .i co'e si'a zo {{j|du}} ce'e zo {{j|du'u}} pe'e je zo {{j|tau}} ce'e zo {{j|tu'a}} pe'e je zo {{j|ce}} ce'e zo {{j|ce'u}}

.i lo'u {{j|lo jbobau poi lo cmavo be fo '''ki''' cu zmadu fi lo ka '''ce''' tordu}} le'u cu zilfanva la tcekitau lo ca'irselzau lojbo lu {{j|lo jbobau poi lo cmavo be fo '''ke'a''' cu zmadu fi lo ka '''ce'u''' tordu}}

== jboponei ==
ni'o la {{j|jboponei}} cu jbobaukle noi zo {{j|po}} fa'u zo {{j|nei}} cu smudu'i lo'u {{j|lo su'u}} le'u fa'u lo'u {{j|kei ku}} le'u vu'o ne bau lo ca'irselzau lojbo

.i mu'a co'e lo'u {{j|mi gleki '''po''' do djuno '''po''' vajni fa '''po''' crezenzu'e}} le'u .i zabna lo ka jdika tu'a lo simsa be lo'u {{j|lo nu}} le'u noi se ricfu lo'e lojbo jufra

== .ajbo ==
ni'o la {{j|.ajbo}} cu jbobaukle noi jai se sarcu la {{j|jbojecu}} gi'e bau ke'a zo {{j|.a}} fa'u zo {{j|.e}} fa'u zo {{j|.o}} fa'u zo {{j|.u}} cu se smuni lo ca'irselzau smuni be lo'u {{j|.i pau}} le'u fa'u lo'u {{j|.i ji'a}} le'u fa'u lo'u {{j|.i ko'oi}} le'u fa'u lo'u {{j|.i ku'i}} le'u

.i krinu fa lo du'u bau la jbojecu cu zifre lo ka ce'u te se smuni pa cnino zo {{j|.a}} mu'a noi zo {{j|ja}} ca'a basti ke'a .i su'o jbopre cu jdice tu'a lo nu smigau ra zo {{j|.i}}

{| class="wikitable"
|-
! .ajbo valsi
! smudu'i
|-
| .a
| .i pau
|-
| .e
| .i ji'a
|-
| .o
| .i ko'oi
|-
| .u
| .i ku'i
|}

Lojban Wiki - User contributions [en]

oi'e

cabycedra gerna